قالو قمر قلت اشهد انه حلاياه

يوم التفت شفت المنايا بعينه

ومن حيرتي عيت عيوني تعداه

واصبح كياني عالق في كمينه

وكسرت حاجز خوف قلبي برجواه

وسرنا على نهج الغلا معلنينه

والشوق حلق في سمانا وخاواه

نور القمر يشهد على ساهرينه

القلب يفرح كل ماسمع بطرياه

وان غاب صوته ليلة قلت وينه

وين الحبيب اللي خفوقي تمناه

عمري رحل بالحب واقفت سنينه

ان كان صده قاصده ماعذرناه

وان كان غيره بالهوى عاذرينه

هذا الهوى والود طبعه ومنشاه

مثل البحر والموج واهل السفينه