دايم الطيب تغره نيته

عند اللي لاطاح ماسموا عليه

يستغلون البشر عفويته

ولا اغتنوا عن خدمته قالوا سفيه

حسنته غطوا ثناها بسيته

لو عطاهم كل ماتملك يديه

يطمعون بغترته وعبيته

والشكر من عندهم مايحتريه

من تعدت حدها حنيته

يقبل المقسوم لو هو مايبيه

هيبة الرجال في شخصيته

من تخضع يطمعون الناس فيه

الرجل بالكون له هميته

مايذل الرأس الا لوالديه

العزيز بقدره وجاهيته

عالي المقام عن بعض الوجيه

عزة آدم ورثه لذريته

بعد موته ماورثها الا النزيه