يعني خلاص اليوم عزمت فرقاك
وشلون اعيش العمر من دون شوفك
انت القصايد مالها غير طرياك
يا للي جميع الزين يسكن وصوفك
من وين ألد العين في عيني القاك
حتى وانا اكتب ضعت باول حروفك
وآرد وأصدر منك واسج واظماك
وأبرد واحس اني بحاجة كفوفك
ما الله خلق مثلك بزينك وحلياك
حتى اربعين من الشبه ما تحوفك
إنسى بكيفك لكن اقسمت ما انساك
ما دام في عيني تكاشح طويفك
ان جيت لي روحت قمت اتحراك
وعروق قلبي وسط قلبي تطوفك
وأنا وقلبي يا اتلع الجيد جيناك
وانا وشعري يالمعزب ضيوفك
اما ذبحت الضيف من شان فرقاك
والا تكرر جيتك لجل اشوفك
