اكتب قصيدي من عبارات وحروف

وانسى النقط مدري وش اللي جرالي

مدري نسيت الخط والا لك اشوف

صورة جميلة ما تفارق خيالي

اوقف على طيفك واحييك بكفوف

احسبك تعرض زيك البرتقالي

واصحى من الغفلة وانا حيل مرجوف

خليتني راعي بليا حلالي

والا كما عود عن الناس معزوف

عاف الظنا والمال عزي بحالي

واصبحت عن كل المخاليق مكفوف

ما تعطي عيوني لغيرك مجالي

والا كما التيهان في ساعة اكسوف

ما ينفع الغرقان ماي زلالي