الغلاء موجود وظروف الزمن عيت علينا

والجروح اكبر من علاج الجروح وحبي أكبر

لا تحسب ان الغلاء مثل أمس يوم انا ابتدينا

الغلاء في كل لحظة من سنين العمر يعمر

ما نتهينا باول المشوار حنا مانتهينا

توي عروقي نديّه بالمحبه عرقي أخضر

ما يجف احساس حبي لك لو انا ما روينا

ولا يمل الجفن لو دمعه من أغيابك تنثر

رغم قربك كيف ما تقدر تلامسك اليدينا

ورغم بعدك كلما اسوق النظر لك ما تعثر

والله انك صاير يا فاتني منا وفينا

مير شف حل لقضيتنا رجائي لا تعذر

محتوينك والهواء يامن هويتك محتوينا

كل عرق من عروق الجسم في حبك تخدر

لا تحسب انا ليا منك تشددت انتحينا

والله انك كلما تبطي تشوقنا لك اكثر