الليل خلص واقبلت طلعت الشمس

وأهل الهوى ماهم على البعد قاوين

أهل الهوى ما يحتمل وضعهم لمس

وقت الوداع بلحظة الحزن مقفين

لهم الفرح باقبالة الليل للهمس

في لحظة عنها أكثر الناس غافين

أكبر حصيل ملامس الخمس للخمس

يا صار ماهم عن بعضهم بسالين

دام الغلا وسط الحشا حامسه حمس

لمشاهد مابه سوى قول وافين

لو علمهم بمشاهد الزين قبل أمس

عده مضى عن شوفة الزين حولين

تلقى الخواطر لجلها تنعمس عمس

لجل الوفا تلقى المواليف شفقين