يا اللي تقول المجلس صغير وش فيه

حنا نقول انظر لصالات الافراح

قصر كبير وكاملات معانيه

والغاية ان اهله تبي منه الارباح

ان كان ما جا مغزب حي يحييه

تلقاه مقفول بضبه ومفتاح

هذا كلام واضحات مباديه

مبداه مثل النور فلاج الاصباح

لو زخرف المجلس وطالت مبانيه

حتى ايش الى صارت يدين اهله اشحاح

يستاسع المجلس من حجاج راعيه

والهم عن حضاره ابعيد ينزاح

المرجله ضلع صعيبه مراقيه

الا على اللي بالوفاء برقهم لاح

والحر رمز العلم معروف يكفيه

واللي يخاطب صاحي العقل يرتاح