سميت باسم اللي فرض خمس الاركان
دين كمل للخلق ما به عواجه
وابدا مليح القاف في مدح سلمان
أبو فهد درب المعالي مزاجه
سلام يا وجه عليه السعد بان
سلمان والله عز راسي وتاجه
سلمان، سلمان الوفا طير حوران
إلى ابتسم شفت السعد في حجاجه
شيخ غدا للجود مجد وعنوان
من قابله لاشك زاد ابتهاجه
له مجلس مفتوح في كل الأحيان
ريف الذي ينصاه طلاب حاجه
كم من ضعيف صار له درع وسنان
وكم واحدٍ كفاه مونه علاجه
خلا الرياض تصيرمن بين الأوطان
عند العرب بالعلم موقد سراجه
تفوقت بالزين في كل ميدان
يستاهل المحصول من هو نتاجه
يستاهلون الفوز ذربين الايمان
هم نورها، هم سورها في المواجه
اخوان نوره هم فنا كل خوان
مثل المطر لا هل يركد عجاجه
من نسل أبو تركي ملكنا كحيلان
اللي شرب بيده وخلا هماجه
كنا وما زلنا لكم جند واعوان
يوم الردي عيا يبوج الزراجه
وختامها صلوا على نسل عدنان
وصف لنا درب الهداية وساجه
