طولت بالٍ ما يبي طولة البال

في ظل وقت تلزمه طولة الروح

والصبر يقتل.. لا طغى كل الآمال

يوم التمادي بالصبر يخلق جروح

مثلي يمنّ بوقفته بين الاطلال

عن مقفي ما هو على البعد مجروح

لك ماضي لا شفت ما في يدي فال

قلت ابتسم.. لا بارك الله بالنوح

تخاف تجرحني على كل الاحوال

وتخاف تزعلني ولو كان بمزوح

ولي خاطر لو ينجرح منك ما شال

يومك وفي وياي والذنب مدموح

غبت وغيابك ما ترك شي ينّال

غير التوجد والمواعيد والبوح

وكان المجافي ضيقته تتلف الحال

يا الله عساها ضيقةايام وتروح