ياضيفي القاسي زماني مارحمني يوم
أبين لك خطاي اللي حسبته زلة لساني
وألاياكثر ما تخطي على قلبي وأنا ملزوم
أبين لك خطاك وعاشقه ياقرة أعياني
من أول معك قلبي ياحبيبي بالهوى مهيوم
مرخص لك حياتي يا حياتي يوم تنصاني
ويوم انك كسبت رضاي يا ضيفي قدرت تحوم
ومع غيري تبادل بالعطايا يا مصدر أحزاني
خسارة راح عمري معك يا ظالم وأنا المظلوم
مادام إنك تمادى بالهجر والقلب ولهاني
حرام انك تعذب لك عيون ما تذوق النوم
حرام إنك تكب القلب في لقياك عطشاني
كفايه يا غرامي ما حصل لي منك غير اللوم
كفايه ياغرامي يوم ربي بك تبلاني
تعبت اركض ورا حبٍ وانا فبدايته مهزوم
تعبت أجامل طيوفك وأنا من البعد مرضاني
أحسب إنك عطوف وناسي اللي صار ذاك اليوم
واثر قلبك عنيد ولا حسبها زلة لساني
والا ياضيفي القاسي بعدكم ما هنا لي نوم
مادام انك دواي وعلتي يا بعد خلاني
