أبا أنشد الشعار وأهل الفهامه

يا ويش رجال على بطنه وسوم

رجل وحيد ومجلسه في خيامه

يقلط عليه قضاة وشهود وخصوم

نشدت يا راع الحكم والفهامة

عن رجل با وصافه فريد وموسوم

استاد أبو فيصل مسهر خصامه

وخيامه قبابه وبالكل مزحوم

يا مرحبا باللي رفيع مقامه

ترحيبة تجلي عنا كل مهموم

واللي نشدنا عارفين مرامه

يقصد به )استاد الملك( سيد القوم

بالصفحة اللي تستحق الزعامة

قريت لغر للفهيمين معلوم

وحله )استاد( بارز في خيامه

باسم فهدنامفني الجمع والكوم

كم به فريق ذاق مر انهزامه

وكم به فريق فازوا بعد عن اللوم

يا مرحبا ترحيبة مع سلامة

عد النبات وعد ما فات من يوم

اللغز واضح شاقني في تمامه

باسم الملك خطط على فن مرسوم

يا اللي نظمت اللغز بأحسن نظامه

نرمع وحله عندنا صارمعلوم

هذاك ملعب فوقه ابين علامه

أستاد الملك يالله عسى عزه يدوم

استاد الفهد واضح بيان وعلامه

رمز الملاعب والرياضة إلى اليوم

بنتٍ لها بيتين داخل نظامه

ياما ازعلت قومٍ وفازوا بها قوم

يا مرحبا بك عد وبل الغمامة

يا للي كتبت اللغز والحل مفهوم

بشرق الرياض اللي جنوب الثمامة

«استاد رائع» للجماهير معلوم

ياللي كتبت اللغز تملك وسامه

أنشهد إن اللغز واضح ومفهوم

استاد الملك مقرون باسم الزعامه

باسم الزعيم اللي مقدر ومحشوم

الله يعز أهل الوفاء والشهامة

اللي لهم بالمجد صولات وعلوم

حكامنا آل سعود ساس الزعامة

من فضلهم استاد الفهد شامخٍ دوم

درة ملاعبنا تبين زحامه

يوم انه صار من الجماهير مزحوم

كلٍ ورا الكورة يدور زعامه

ويا قرد حظ اللي غدا اليوم مهزوم

دارٍ لها مجد تليد وزعامة

الله يزيد بعزها دايم الدوم

فيها الرخا.. والأمن..وفيها الكرامة

ومن الملاعب درةٍ حسنها حلوم

بتراثنا نعتز والكل أمامه

مجدٍ تعلى واجب الشكر يا قوم

من عرضها الاستاد وأكبر علامة

وبحضورهم ما فيه خاسر ومهزوم

زعامة الانجاز نلنا وسامه

انجاز فيه الخير وباتقان مرسوم

ومن ضمنها لأهل الرياضة كرامه

استاد الفهد بالعاصمة واضحاً دوم

لأهل الوفا وأهل الكرم والشهامه

تحية من هاجس يطرد هموم

في ملعب الملك للكورة علامه

يوم ظهر في وسطه أبطال ونجوم

مرحوم يا ميرٍ براسه شهامة

بنى لنا استاد عن النقص مختوم

وسماه باسم اللي رفيع مقامه

الوالد الغالي حجا كل مضيوم

قريت لغزٍ كاملٍ في نظامه

ببيوت شعرٍ كنها الدر منظوم

والحل صرح للتطور علامه

استاد باسم الفهد واضح ومرسوم

الله يطول عمر راع الشهامة

ويمتع أيام الملك دايم الدوم

اللي بنى صرح كبير مقامه

«استاد الفهد» لأهل الرياضة من القوم

حنا نقول الحل عالي مقامه

استاد واضح للملا صار معلوم

ينسب لبو فيصل وفوقه علامه

من شاف شكله يعتبر كيف مرسوم

دامت عليك العافية والسلامة

يا اللي كتبت اللغز مبهوم بأحكام

تلقى )الأولمبي( شرق طعس الثمامة

يؤي جماهير ونوادي وحكام

اللي يجيب الصح عطه العلامه

منك الجوايز يالحميدي وملزوم

درة ملاعبنا رفيع مقامه

متميز باسم الفهد دايم الدوم

يا بو سعد لعزك فهمنا مرامه

لغزاً على ما قيل بالرمز محكوم

استاد المليك اللي رفيعاً مقامه

يالله عسى عمره لنا دايم يدوم

يقول منهو واثقٍ في كلامه

يعرف معاني اللغز لو جات بالكوم

قبل حلول اللغز يرسل سلامه

لكم واستاد الفهد لا شك معلوم

يا مرحبا بأهل الوفاء والكرامة

ترحيبة يدله بها كل مضيوم

يستاهل المجد الرفيع وسنامه

اللي بنى «الاستاد» عساه مرحوم

يا راعي الحفنة يمال السلامة

من راح أبو نواف والقلب مثلوم

شيد لنا استاد رفيع مقامه

فوقه خيام كنها الدر منظوم

يناشد الشعار تبي الفهامة

بالفاكس جاك الحل من راس جموم

استاد الملك معروف مابه غشامه

كم لاعب ياتيه ويروح مهزوم