الا ياطول تفكيري الا ياكثر وناتي

الا يابحري العايم تجره موجة الونات

اشوف الحظ غيري عطاهم كل بسماتي

على نور الامل نايم متى يهديني البسمات

هذا ماهوب تقصيري ولاطولت بسكاتي

وانا ما لامني لايم دخلت مبرمج الطلعات

بدت خطوات في سيري تضيع كل خطواتي

سوات التايه الهايم يبين بزحمة النظرات

نشف ريقي بتعبيري وضاعت كل كلماتي

اصغي جوي الغايم عساها تمطر العبرات

حلمت وصار تفسيري عن الماضي عن الاتي

لابايعها ولا سايم ولاني تارك العادات