الطيب نهرٍ نبعه يْدين سلمان

والطيب عند الناس تندي به يديه

والجود هو.. ويّا الكرم مالهن شان

الاّ بسلمان الوفا.. ذي هقاويه

ابو فهد مافيه مثله ولاكان

اوايله من جنس ماطر تواليه

نوٍ هماليله تْربّع بالاوطان

الى استغاث بها الثرى سبلت فيه

راي صويب وحكمةٍ في كحيلان

الّله عطاه ايَّاه.. والّله مْكفَّيه

فيه الكرم.. والطيب والجود.. برهان

هن يشهدن له.. والقصايد تغنِّيه

ابو فهد يطرب له الشعر ولهان

وافخر بحرفٍ فيه زانت معانيه

اقرا القصيد احيان واكتب به احيان

والقى القصايد قاصره ماتوفيِّه