ما كل عبرة تبل الخد معذورة

بعض العباير وربي ما لها داعي

وش حضرته من نصاه الدمع من دورة

ما هو هجرني وخلاني مع أوجاعي

ياوبل عيني وش المصلوح من بوره

من قبلك البور خيب كل زراعي

دامه مصر على نهجه ودستوره

ا ريح فرقاه هبي رفرف شراعي

من باعني حالفٍ بالله ما زوره

أكبر مصيبة أبشري واحدٍ باعي

ما هي مهمة يرد ويجبر كسوره

قبل التجي له عسى ينعاني الناعي

بيته بقلبي تحطم وانهدم صوره

وبيني وبينه عسى ما يدخل الساعي

ما همني فتنة تنساب من حوره

يا كثر منه ردي وعيونه وساعي

ما قصّرت لي يميني ندرة حضوره

أقبلت وأقفيت وذراعي هي ذراعي