| تراث الجزيرة
دنياك لا تغرك بلذة حلاها
ترى الزمن مادام لأخير على حال
واعرف ترى الدنيا قصير مداها
ولا تغرك لا غدت لك بالأقبال
وإلى أضحكتك اليوم فاعرف تراها
سيورها تبكيك مهما الزمن طال
وانظر لمن قبلك سنينه قضاها
وش له بقى فيها سوى خير الأعمال
وشف هل رأيت اللي حياته شراها
لا جا الرحيل الموت ما يفتدى بمال
ترى التقى للنفس إلى الموت جاها
هو خير زاد تتقي فيه الأهوال
فاعمل بها الدنيا لما هو وراها
واذكر ليوم به على النعش تنشال
وحذاري نفسك لا تطاوع هواها
لازينت لك مرة سو الأفعال
وعن واجبات الدين أصحى تلاها
ونزه لنفسك عن هل القيل والقال
وأرحامك أوصلها وأكسب رضاها
بمواصل أرحامك رضا ربك تنال
ومبرتك في والدينك جزاها
ينفعك يوم لا أهل فيه وعيال
وياك تحسد ناسٍ الله عطاها
الله قسم رزقنا وحدد آجال
واحذر من الانذال تمشي معاها
وحي المكارم ابن لك فيه منزال
ولا تغرك الدنيا قصير مداها
ولا عمرها دامت لحي «على حال»
|
سليمان بن صالح الخزيم
مكة المكرمة
|
|
|
|
|
