| تراث الجزيرة
نشرنا في عدد الأسبوع الماضي لغز كتبه الشاعر عبدالهادي العرجاني من النايغية بمحافظة الافلاج وكان نصه:
أنشدك عن بنت رضوها المخاليق
لو كان فيها جور كل رضاها
بنتٍ تحل المشكله دون تفريق
لوهي مابين أخصام ما أحدٍ عصاها
تسر خاطر واحد وواحد يضيق
حتى حلول اللغز مرت «علاها»
وكالعادة بعث لنا قراء «تراث الجزيرة» بعشرات الحلول الصحيحة التي أجبرتنا كثرتها وضيق المساحة التي حظيت بالنشر على النحو التالي:
تراث الجزيرة ياربيع العشاشيق
ياصفحة بالحيل زايد حلاها
يقودها ربا نها دون تفريق
اللي دروب الواسطه ما مشاها
وأنا يابو فهاد ما ازعل ولا اضيق
من القرعه اللي كل واحد رضاها
++++++++++++++++++++++++++++
كريم عيسى العنزي
الخرج
++++++++++++++++++++++++++++
اليابس لو بيبانه أمست مفاليق
يا سرع مفتاح الرجا من سماها
والمزنه اللي ظلها ظلل طويق
راحت وهو ثابت ولاهل ماها
والقرعه اللي زادت العدل توثيق
عاشت يمين بالحميدي وراها
++++++++++++++++++++++++++++
محمد عبدالكريم الغزي
الزلفي
++++++++++++++++++++++++++++
البنت في حكمها تنشف الريق
من هو سعيد الحظ اللي حظاها
كم واحد حظه قليل التوافيق
أفلس من القرعه وغيره «خذاها»
++++++++++++++++++++++++++++
مرضي بن حسين العنزي
محافظة رفحاء
++++++++++++++++++++++++++++
يامرحبا مازاف نبت الزمالبق
باللي حكم زيت البيوت وبناها
ولغزك يابوفهاد حله بتوثيق
قرعه وبين الناس كل رضاها
++++++++++++++++++++++++++++
المرسل/ هندي بن نابت الغياثات
الافلاج
++++++++++++++++++++++++++++
ارسل سلامي من صباحي على الريق
حي التراث وحي من هو قراها
وانا قريت اللغز في زود تدقيق
وآخذ مع الافكار لا منتهاها
القرعة اللي جاب حظك بتوفيق
حتى الرسول أول زمانه رضاها
++++++++++++++++++++++++++++
علي رشيد الرشيد
رياض الخبراء
++++++++++++++++++++++++++++
يا مرحبا باللغز من شاعر طويق
ترحيبةٍ مني بعيدٍ مداها
حليت لغزك دون شكه وتدقيق
واضح كما النيران يجذب سناها
القرعة اللي صدقت حوش تصديق
هي حلها واللغز في مستواها
++++++++++++++++++++++++++++
حمود بن عبدالعزيز السبت
الزلفي
++++++++++++++++++++++++++++
اخترت في لغزك سموح الطواريق
يا من بدعت القاف قافك ملاها
بين السهل والكود حطيت تلحيق
من غاص للحار بيده خذاها
الحل عندي ما يبا اللغز تبريق
هذي هي القرعة وغطوك رماها
++++++++++++++++++++++++++++
خالد سليمان الجريش
الرياض
++++++++++++++++++++++++++++
سلامنا للكل من دون تفريق
يسعد صباح وجيهكم مع مساها
اللغز دايم فيه اثاره وتشويق
تسلم حروف اللغز واللي بناها
والحل «قرعه» لابدت ينشف الريق
ليته تجي من حظنا يا عساها
++++++++++++++++++++++++++++
منصور بن عبدالله المجيدل
الرس
++++++++++++++++++++++++++++
أمس الصحى عربت روس الشواهيق
روس المطوال الى عليل هوأها
وقريت لغزٍ شوق القلب تشويق
ماغير القرعه رمعةٍ قلتناها
++++++++++++++++++++++++++++
فالح صنهات العجمي
الخرج
++++++++++++++++++++++++++++
جتكم رسالة تنتظر منك تدقيق
إن كان ماهي تسبق اللي معاها
دقوا لنا القرعة وبالله توفيق
يالله عسى حظي يجي في حشاها
++++++++++++++++++++++++++++
سعد مويزر البدراني
الرس
++++++++++++++++++++++++++++
ياللي كتبت اللغز مافيه تبريق
واضح وضوح الشمس باعلى سماها
على الجريدة نرسله دون تعليق
على الرجال اللي ينوس عطاها
وليا وصلكم حلنا يالمطاليق
++++++++++++++++++++++++++++
ارضى بقرعتكم مثل من رضاها
جهاد المطيري
++++++++++++++++++++++++++++
أللى تحل المشكله دون تفريق
ياربعنا يا ما الحميدي نصاها
يعمل بها من دون- زورٍ تلقيق
لاكثرت إحلول الفطولا حصاها
يتسعمل القرعه بدقه وتدقيق
حجه قويه لو بعضننا عصاها
++++++++++++++++++++++++++++
حجي سليمان الحجي
عنيزة
++++++++++++++++++++++++++++
يالي نشرت اللغز لربعٍ مطاليق
حياك مالاحت نجوم بسماها
وصفك وضح معناه مابه تلافيق
البنت قرعه كان حظك رماها
++++++++++++++++++++++++++++
عبدالله الشماس
الخرج
++++++++++++++++++++++++++++
ياهل الوفا ما يصلح المدح ويليق
إلا لتراث اللي تبين غلاها
يابوحمد عندي على العلم توثيق
صفحتك هذي عاليٍ مستواها
ويا اللي كتبت اللغز صفته بتدقيق
البنت «قرعه» يوم نبحث خفاها
++++++++++++++++++++++++++++
عطاالله بن سليمان العطاالله
الزلفي
++++++++++++++++++++++++++++
مثل العسل طعمه على الصبح لأذيق
الصبح قبل الشمس يطلع شعاها
حظي ونفسي بينهم صار تحقيق
نفسي كرهت حظي وهو ما يباها
وإن حطو القرعه يضايق ولايليق
إما قصر والا تعدى وراها
++++++++++++++++++++++++++++
محمد علي السالمي
رفحاء
++++++++++++++++++++++++++++
بيني وبين عبيد ماقيه تفريق
بالصفحه اللى كل قاري قراها
حطوا لنا «القرعه» على شان ماضيق
واللى وضعها بيننا ما خفاها
وصبحت أنا وياه مع فكة الريق
نقرأ الجزيرة ماتدور سواها
++++++++++++++++++++++++++++
صويلح عبيسان الشيباني
الرياض
++++++++++++++++++++++++++++
لغز الجزيرة واضح دون تلفيق
وانا عرفت الحل والحل جاها
هذي هي القرعة يجي له توافيق
ونوبٍ تخيب رجوة اللي رجاها
++++++++++++++++++++++++++++
مشعان الوحداني - حائل
++++++++++++++++++++++++++++
أهلا هلابك عد رمل الصافيتي
اعداد ماهل المطر من سماها
الحل واضح مايبي اليوم تبريق
قرعة تحل إشكال كل رضاها
++++++++++++++++++++++++++++
محمد الشايع - بريدة
++++++++++++++++++++++++++++
|
|
|
|
|
|
