| تراث الجزيرة
قصيدة رثاء في الابن الغالي نواف الذي توفي في حادث سيارة
يالله يا منزل تبارك والاعراف
يا فارج الضيقه عزيز الجلالي
تجبر عزا قلبي على فقد نواف
وتمدني بالصبر لفراق غالي
جاني خبر نواف معدوم الاوصاف
يوم الربوع وقلت عزي لحالي
أصغر اخوانه جا يخبر بما شاف
والدمع من عينه على الخد سالي
بعد العشا قلبي من الهم ينلاف
والموقف اللي صار فوق احتمالي
قلت اخبروني عل ما صابه خلاف
قالوا بسرعة لو سمحتي تعالي
نشدت وينه قالوا انه بالاسعاف
ويمكن لشوفه ما يجيلك مجالي
ويوم فجعوني صار بالقلب خفخاف
أركض وصاب العقل مثل الهبالي
ورحت لحبيب القلب والدمع ذراف
وحلو النبا له صورة في خيالي
لقيت نور العين ملحوف بلحاف
واللي هناك يقدمون العزا لي
ويوم الخميس محمل فوق الاكتاف
للمقبرة شالوه جمع الرجالي
ولولاي أخاف الله لاعدي بمشراف
وإني لاشق الجيب مما جرى لي
لكن عساه بجنة الخلد ينشاف
ويغفر له المعبود منش الخيالي
|
أم نواف
|
|
|
|
|
