ان جيتني والا مع الوقت ما جيت

ابشر تراك بدنيتي شيء عادي

انت السراب وليتني ما تمنيت

اني اشوفك يوم تسكن فؤادي

ارحل مع النسيان وارجوك ياليت

تنسى مراسيل الامل والودادي

قلبي خلاص اليوم مل التناهيت

يكفي قسى الحرمان يكفي سوادي

ياما جرحت الروح بالصد وابكيت

كل المشاعر والغلا بالعنادي

واليوم انا يا صاحبي منك مليت

دامك علي اخطيت بالصد بادي

ما عادلك رجعه ولو قلت اخطيت

عذرك رفضته والغلا صار عادي