هديت صرح الحب يوم الشقى طال

عقب الصبر ما عاد باقي وسيلة

رغبة خفوق من سواياك مهتال

وكل على ما قيل قلبه دليله

ياما صبرت سنين وشهور وليال

ارجي بقى حلم تداعى رحيله

ضحيت لجلك مرخص فيك الازوال

ما ارضى لغيرك في حياتي بديلة!

واليوم كني ضارب درب الاهوال

صرتي علي لجروح وقتي عميلة

ما يجتمع بالحب وافي ومحتال

ومن لا يقدّر ما وفاله خليله

عمري بذلته ما تشاكيت الاحوال

وانتي عطيتي اجروح مانتي بخيلة!!

بنساك ما كنك خطرتي على البال

انهيت حبك والليالي كفيلة

خوذي الوداع بصدق من راس رجال

نفسه تروم العز ماهي ذليلة