إن كان إنك تبي تسأل عن اخباري عن الآهات
تراني ما قدرت أنساك وطيفك دوم بافكاري
ابكتب لهفة المشتاق واصيغ الشوق في ابيات
أحاول ترجمة حبي واسطرها في اشعاري
ابحكيلك عن اشواقي بدايه باول الخطوات
عن بداية غرام الحب واول رحلة اسفاري
انا قلبي يحبك حب وقلبي لك عطى من ذات
غرامك داخل فؤادي تمكن وانت له داري
عرفت الحب من حبك عرفت الشوق والبسمات
عرفت انك شبيه الشمس وليلك ليل قمّاري
كشفت انا لك الاوراق واكشف لك عن الحسرات
وابكشف سري المدفون واكشف لك لهب ناري
أنا بارجوك لاتبعد ترى من طوّل الغيبات
يخلي الشوق يصير أشواق ويفضح بالهوى أسراري
خلاص ارجع كفاني منك ضد البعد واللوعات
تراني ماجنيت إلا هموم وهذي أخباري
