ودي اسولف عن غرامك واصارحك

عن هالغرام اللي بروحي فتنها

اسمع خفوقي صاحبي يوم فاتحك

نشوة مشاعر ترجمت لك لحنها

وده يسولف عن غرامه ويفرحك

يبعد عن جروحك خفايا حزنها

فيني تعيش الحب ناظر مجارحك

سهم اشتياقك بالظماير طعنها

انا فتني نظرة من مذابحك

الروح تامرها على القلب تنها

ماودي افضح في غرامي مصابحك

زود اشتياقي بالمشاعر حظنها

في كل لحظه في خيالي ملامحك

حبك ملك كل المشاعر سكنها

لك نشوة في وسط روحي تمازحك

في كل لحظه خافقي يحتظنها

اخفيت عنك الحب واليوم اصارحك

الحق على روح غرامك وطنها