البارحه والناس ناموا مريحين
والكل منهم غارق في منامه
قعدتنا ويا الهواجس نشيطين
النوم في حايل وانا في تهامه
هاجس يضد الحال ضد الشياطين
ضده الين الحال بان انهزامه
مدري اروح يسار ولا ميامين
ولا اطير اليوم مثل الحمامه
ولا اروح الهند ولا على الصين
ولا اجي بغداد ولا المنامه
لو افعله كله حشا ما يخلين
هاجس بقلبي جاك ركّز خيامه
كله سبب فرقى ديار المحبين
اللي لها قدر رفيع مقامه
دارٍ حشا ماقيل ماشفت بالعين
شبهٍ لها بالكون دار الكرامه
ربي حرمها الشين روّح لها الزين
والزين للافلاج اصبح علامه
افز لامن قيل هيّاك ذا الحين
واغشى ليا من قلت ومع السلامه
لا رحت عنها صرت مثل المسيجين
اللي قعد محد بيسمع كلامه
في غربتي ياناس شفت العنا الشين
والحال كثر الشين ياناس رامه
من شافني روح على ديرتك وين؟
روّح لها خل العميد وملامه
روّح وبسّط يا المجني بيومين
غبها ولو عدا غيابك نظامه
هذا وصلى الله على ناشر الدين
الهادي الشافع بيوم القيامه
