يا الحبيب اللي تملكني هواك

التسامح زين والقسوه حرام

كل ما تطلب من الدنيا فداك

أنت لي منوه ولي غاية مرام

الله اللي كملك زين وعطاك

يا شبيه البدر في ليل الظلام

اذكر اللي باع حلمه واشتراك

ما دريت ان الوفاء أغلى وسام

ما كفاك البعد عني ما كفاك

ما رحمت العاشق اللي ماينام

لو تغيب سنين ما يرخص غلاك

دام مركبنا على موج الغرام

انت لي رمز المحبة يا ملاك

شاهد لك بالجمال وبالتمام

ما تحمل يانظر عيني جفاك

عادة العاشق يلين مع الكلام

قلب يشفق لك وعين من وراك

وأنت حلمه لو حكمته بالعدام