يا عين هلي صافي الدمع هليه
يا عين هذا وقت ذرف الدموعي
ابكي على اللي راح واقفت لياليه
الموت شاله في نهار الربوعي
ابو مشاري عقبه الحزن نبديه
أنا أشهد ان موته حقيقه يروعي
مكتوب والمكتوب للعبد يأتيه
ولاشك ما ني منه زعل وجزوعي
مرحرم يا للي كل ما حل طاريه
يذكر بخير عند كل الربوعي
رجل على الطاعة مؤسس مبانيه
بالبر معروف وحسن الطبوعي
يا الله ياللي من رفع لك أياديه
يطلبك مخلص ما يجازى برجوعي
يا عالم بالقول جهره وخافيه
يا الله طلبتك والخلايق هجوعي
تغفر ذنوبه يا الهي وتؤويه
في جنة فيها الثمر والزروعي
وتجبر عزا إخوانه وربعه وأهاليه
وأم لكاس الحزن عقبه جروعي
وصلاة ربي عد خط وقاريه
على النبي اللي للأمه شفوعي
