نشرنا في الأسبوع الماضي لغزاً كتبه المهندس مشاري الدعجاني
وكان حله عقارب الساعة وجاءت الحلول الصحيحة كما يلى:
|
المهندس هندس اللغزوعقد
عقدةٍ منها مع العالم كثير
ساعة توضع على حايط ويد
بأي شكل تباع بالسوق الكبير |
تركي ابراهيم شفاقة العتيبي
|
يا مشاري حل لغزك أعتقد
قلت أنا الساعة بعقاربها تسير
كل واحد في عمله ومجتهد
والصغير يصير من فوق الكبير |
سعد بن صنهات السهلي - الدرعية
|
شفت لغزٍ بالجزيرة معتمد
صاغه مشاري عساه بألف خير
قلت ادور ويش حله وان وجد
عقرب الساعة ولاله حل غير |
راشد محمد الحجيلان - حائل
|
يالله يالمعبود يالفرد الصمد
تحفظ بلاد السعود بكل خير
العقارب تحفظ الوقت وتعد
مع بعضها يا مشاري تستدير |
مسفر فهيد السبيعي - الأحساء
|
غن لي بالصوت ياطير السعد
واحمل رساله بها ورد وعبير
وصل المكتوب لتراث البلد
بالجزيرة تاجد الحل المثير
الدقايق والثواني ياولد
داخل الساعه بشكل مستدير |
سعود بن جازي الحربي- الرياض
|
جاك حل اللغز يوم انه وكد
يا مشاري بالتراث اللي يثير
الجزيرة تنشره بأول عدد
دقة الساعة وعقاربها تسير |
عادل بن غاطي الشيباني
|
يابو خالد هات وابشر بالسعد
تنجزي بالخير لا سويت خير
ساعتك فيها العقارب تنجلد
جددوا الحجار حتى تستدير |
عبدالهادي العرجاني
الأفلاج النايفية
|
الثلاثه يا مشاري في كبد
تحت قبتهم دوام في نفير
ضابطين الوقت لاجالك وعد
بالدقايق والثواني لك تشير |
د. سعد بن محمد الرامي- الرياض
|
مرحباً واعداد من قام وقعد
مرحباً بك من كبير ومن صغير
يا مشاري لغزكم لغز السعد
ذي عقارب ساعةٍ ماوله غير |
مبارك محمد طرجم الضعاوين
|
في حياةٍ كلها صبر وجلد
من تأخر حصل عقاب المدير
اضبط الساعة واسهر يا ولد
العقارب علمتنا وش يصير |
سعد مويزر مشعان البدراني- الرس
|
يالله المعبود يا الفرد الصمد
عونتك يا الواحد الرب القدير
كان محور ساعة العالم رقد
من يخلي عقرب الساعة يسير |
نافع الحربي- من الرياض
|
ميزة اللغز بصفاته لانفرد
ويامشاري كنت بأحكامه قدير
على وقتك دائمٍ خير وسعد
مقصدك عقارب الساعة تسير |
صالح علي الحربي -ساق الجواء
|
ارتوواعشاق الابداع وبعد
ويش يبون المكرفون يسير جرير
حرٍ اشقر له جبل شقرا شهد
والعقارب لو تخالف وش يصير |
محمد عبدالكريم الغربي - الزلفي
|
اجتهد بالقول واشهر بالوعد
سألك بالله عجّل يا بشير
انقل الترحيب عني واستند
والعقارب داخل الساعة تسير |
فهد الجروان - الزلفي
|
كل شاعر يفهم الحل ويرد
يامشاري جعلكم دايم بخير
سبحتي في يد والساعة بيد
والعقارب في وترها تستدير |
محمد علي السالمي - رفحاء
|
خذ جوابي يا مشاري واستعد
قال ابو وضاح ذا الحل المثير
ساعتي رادو بها يوم وعدد
والعقارب عاكسه ضوٍ ينير |
محسن بن حسن المالكي
|
مرحباً بالجار ياجار السعد
يا عميل الخير يانعم القصير
العقارب مطلب اللي له نرد
بدونها الساعه مع الخرده تصير |
محمد بن عبدالعزيز الخنيفر - أشيقر
|
يا مشاري يوم لغزك لي ورد
سقت لك حله على احسن ما يصير
والعقارب داخل الساعه تعد
للدقايق والثواني اللي تسير |
عبدالإله حسن القعيري - المزاحمية
|
راعي السفرات لازم يجتهد
يوقت الساعة ويطيب المسير
والثلاثة زودوهم بالعدد
رابعاً معروف بالعلم الشهير |
طارش بن مهدي الأشجعي - الرياض
|
مرحباً واعداد ماحن الرعد
عد ماهلت مزونة للعصير
هذه ))الساعة(( عقاربها تعد
والصغير اللي يعجل بالمسير |
مسفر علي الوايلي
|
ميزةٍ بربوعنا صدق الوعد
الوفا في طبعهم ماله نظير
لاشرينا ساعةٍ بيد الولد
والعقارب وسطها دايم تسير |
علي رشيد الرشيد
رياض الخبراء
|
الدعجاني جاب لغزه في عدد
ياعريب الأب ياحي الضمير
العقارب حل لغزه وإن نشد
من صنع له ساعةٍ فيها خبير |
خالد المويهان الحربي - بريدة
|
عد برق المزن واعداد الرعد
مرحبا واعداد ماهل المطير
فيك يا مشاري وفالك للسعد
ولغزك الفرجار مشيه يستدير |
منصور بن عبدالله المجيدل - الرس
|
عد ما فاع الخزامى واستعد
بالربيع وصار فواح العبير
مرحبا والحل ياوجه السعد
ذي عقارب ساعتك وانت الخبير |
عطاالله بن سليمان العطا الله - الزلفي
|
يامشاري إبشر إبفزعة فهد
يامهندس إبشر إبوقفة خبير
ساعةٍ للوقت شلته والوعد
والعقارب يا مشاري له تشير |
فهد بن عقيل الطويان - بريدة
