يالله يارب كتبت المصيبه
تجبر عزا سلمان ياعالي الشان
ترفع له ايات العزا في حبيبه
وترحم فهد ولد الفهد نجل سلمان
ياسيدي عمر الفتى مايصيبه
الا اجله المحتوم والحق برهان
يا أمير لو كات الليالي عجيبه
كم فرقت من ناس احباب وإخوان
عديت يوم الاربعاء في الزريبه
فالمرقب الى من ورى قصر بنبان
ودكت على اوهام حزن غريبه
من بعد اذاعو بالخبر عن كحيلان
وابكى عليه مع القلوب اللبيبه
ياليتيم ما علموني بما كان
ومرت بي احوال الهموم العجيبة
لين امتلى قلبي وفاض من الاحزان
النادر الى كلنا يعتزي به
الله يعوض اسرته صبر وسلوان
عسى كرامات العلى من نصيبه
في جنة الفردوس يعضى بغفران
الخلد يسكن منزل يهتنيبه
والله يعوضه في شبابه بالاحسان
هذا جزاه وحق بذله وطيبه
وياما صرف ماله لرامل ويتمان
يبغى الوفى من عطف ربٍ يثيبه
ومن يعمل الحسنى يجاز برضوان
وصلاة ربي كل يوم تغيبه
على الرسول المصطفى نسل عدنان
