البارحة طرفي عن النوم سهران

أنا وغيري يا ملا عاف نومه

في كل وجه أشوف عبرات واحزان

متقاسمين الحزن شعب وحكومه

وأكبر حزن شفته على وجه سلمان

واللي يعرف مصيبته ما يلومه

والله ما تنلام ياطير حوران

لكن هذي قدرة الله ويومه

ولاانته من اللي يكتب الرب زعلان

قسمة إله الكون ترضي قسومه

تجبروا بالله بعد كان ما كان

ولكم على الشدات صبر وعزومه

والا فهد نجم اختفى عقب ما بان

ولا فيه قلب ما شبع من همومه

يبكيه من وداه للسجن ديان

يطرى عليه إلى ابتسم في قدومه

ويبكوه الأيتام وحقوق الإنسان

اللي يقابلهم بنفسٍ رحومه

مرحوم ياشيخ له المجد عنوان

شيخ وصوفه في الرجال معدومه

متسلسلٍ من راس سلمان لاهان

الطيب ساسه من خوال وعمومه

لعل له في جنة الخلد مسكان

آمين يافارض صلاته وصومه