يابو فهد عسى البقى بك وسلطان
ولد فهد واحمد وباقي عيالك
رحل فهد رجل المكارم والاحسان
ولو غاب ماغابت فعوله قبالك
على الفضيلة ربته كف سلمان
يابو فهد عن الصغاير سمالك
خسارته ماهي تعوض بالاثمان
خذا من فعاله مكارم فعالك
فقلوب شعب الممكة شيد اركان
تبقي فعوله يابو فهد غزالك
ومن الحزن فقلوب اهل نجد بركان
ودموعهم طاحت وقالوا فدالك
جولك يقولوا كلنا عيال سلمان
وحال السنتهم قايله كلنا الك
فوجيههم هول الفجيعه بها بان
اقبال وجهك وعن يمين وشمالك
فيهم لك عيال وفيهم لك اخوان
ويالله عسانا مانعوض بدالك
وفهد عسى الجنه مقرك ومسكان
والله يقبل كل مسلم دعالك
وقبرك لعله روضة كلها جنان
يارب يارحمن مردنالك
وعسى البقى بك يابو فهد وسلطان
ولد فهد واحمد وباقي عيالك
