الطائف المأنوس نشعل قناديل
وبقدوم ابو متعب تزين القوافي
يا مرحبا ترحيبة البدو بالسيل
عقب السنين الممحلات العجافي
نوٍ مزونه ضاحكات وهماليل
وبله من الرحمن مزنه ردافي
تباشرون فاقدين المحاصيل
يوم انهمر وبله من الجو ضافي
ترحيبٍ احلى من حليب المباهيل
اللي رعت نبت الخزامى عطافي
مشاهدك يا سيدي اله تجليل
يا مرحبا بالليث ريف الضعافي
حليم سمٍ للقلوب المغاليل
وقلبك رحومٍ للقلوب الصخافي
رحيم باللي صادفته الغرابيل
وقاسي على اللي فيه بغض وتجافي
اخو الزعيم مذلل الصعب تذليل
فهد الفهود اللي بالامجاد نافي
عون الكئيب المبتلى والاراميل
له ما قفٍ بالضيق دايم يشافي
يوم الجموع اللي تمد الدرابيل
بسياسته قفت تطالع خلافي
في مثلكم للشعر وقفه وتحليل
وان جئت أعدد ما بتعد القوافي
