من يعزي نجد.. في فرقا ولدها؟
من يعزي كل.. بيت في الجزيرة؟
من يعزي نفس.. فارقها سعدها؟
واصبحت عقب السعد بالفين حيره
يالله اني طالبك.. تنزل بردها
رحمتك غيث.. على القبر وجويره
ندري ان الموت.. مر وشوفه ادها
لكن المولى وحكمه فيه.. خيره
وادري ان من .. قدم العليا وجدها
عند رب رحمته.. دايم كبيره
يا فهد لو ضمتك.. غصبٍ لحدها
والله انك شامخا.. ذكرٍ وسيره
مدتك كل على الشده.. حمدها
والكبيرة تصبح بعينك.. صغيره
والمكارم كلها عزمك.. وردها
كل نفس جات لك.. بك مستنيره
وانت يا سلمان نجد.. ويا سندها
يا ولد من دان لامره.. كل ديره
فيك صبر المومنين.. اللي عهدها
تحفظه وتصون مضمون السريره
والنفوس اللي تأمل فيك.. قدها
صابرٍ لامر الولي.. عزم وبصيره
