انا الماضي وانا الحاضر وانا المقبل من ايامك
انا اللي تاهت حروفه بوصفك حارت اقلامي
انا اللي مانسى حبك ولا قدرك ولا اكرامك
انا وشلون ابي أنسى من الي بيده احلامي
احبك يابعد عمري واحب الموت بحسامك
واحب اللي يحبونك واحبك لآخر أيامي
وواصل بالعطاء روحي واحقق باقي احلامك
واحطك للفكر رمزاً يجدد مصدر الهامي
أبد لا تنظر لحالي ترى حالي فدى اسهامك
على كيفك تسوي بي انا لك كلي انغامي
تعال وجدد الفرحة إذا يوم الزمن ضامك
اموت ولا يجي يوما اشوف انك بتنضامي
تعال اكتب على قلبي شعورك واعزف انغامك
تعال وحرك الهاجس ترى طير الهواء حامي
تعال افتح كفوفي لك تعال وركز اعلامك
اتيه بنظرة عيونك واضيع برمشك الوامي
وانا اللي حافظ قدرك وتقديرك واكرامك
وعلى كثر الغلا منك ترى قلبي بقا ضامي
تعال بكل ما عندك تعال وجدد ايامك
تعال اليوم ياحبي تعال اسرع من اقلامي
