أخذ الكلام اللي بقى قبل تسري

يمكن كلامي عن سكوتك يداري

تقول: وشلونك وانا أقول: مدري

وشلون تنشد وأنت بالحال داري

الصبر خلاني على حد صبري

واللي ورى صبري عظيم انكساري

كنت الحياه وسحرها.. وين سحري

في موعدك متعلقٍ وانت ساري

كنت الحياه وكنت عشبي ونهري

مال الظما في ظفتك اي طاري

بين المعاني كنت جبري وكسري

تمايل بشعري يمين ويساري

تردني عن نظرةٍ فيك تغري

من قالك دمعك يرد اعتباري

ليلة لفحك البرد وش كان عذري

ان الشتا ما كان في يوم جاري

دفيت يوم انك على جال شعري

واليوم بردك ساكنٍ وسط ناري