أنا أبا أنشدك عن عودٍ يخدم الناس بالمجان

ولايزعل.. ولا يخجل إذا ماقيل غلطاني

يعاف الزاد.. لكنه على الما دائما شفقان

والى منه نشف ريقه تشوفه دوم عطلاني

أنا أبا أنشدك عن عود يخدم الناس بالمجان

ولايزعل.. ولا يخجل إذا ماقيل غلطاني

يعاف الزاد.. لكنه على الما دائما شفقان

والى منه نشف ريقه تشوفه دوم عطلاني

إليا قالوا لنا شارك أشارك ورضي الزعلان

وأنا ماهوب يزعلني كلام إفلان وفلاني

أنا برم الهدف لو كنت «يالرامي» مني بخلان

قلم حبر يخدمك دامه من الحبر ملياني

عرفت اللغز وأثر اللغز يادكتور شأنه شأن

مكاتيب الولي تنفذ على صابر وجزعاني

نزل بأبيات مكتوبه على الانسان هو والجان

لكنه يتعب الطالب ولا يشريه عمياني

هلا بك ياسعد رامي ولغزك شفت حله بان

أنا برميه رمية ياعساء مانيب غلطان

أنا قلت القلم جلة عساء ماني بعد غلطان

أنا حليت لغزك ياسعد وأرسلت عنواني

أنا أقول القلم منذ القدم عبر أقدام الأزمان

ولا غير القلم حسب المعرفه حل ملياني

قديماً كان ريشة طير بالنيله وزعفران

وحديثاً حبر متنوّع بكل اشكال الالواني

أنا ماودي أجلس يا«قلم» في عالم النسيان

أبشارك مع حل اللغز والشرهه تعداني

ولاني خايف القرعة ولامن وضعها زعلان

تجي في قسمتي وإلا تروح ألواحدٍ ثاني

هلا يامرحبا بالشاعر اللي يبدع القيفان

هل العليا لها لامن طلع للخيل ميداني

ترى هذا القلم يكتب بلا حجة ولا برهان

ولا منه حصل تقصير فالكتاب غلطاني

هلا بك ياسعد مرحب عدد ماهلت الأمزان

هلا يامن حبك لغز جميل النظم ملياني

ترى حله قلم حبرٍ بلا زود ولا نقصان

يقوله من لقى حله وجاب العلم وكداني

يقولون الربع لغز الجزيرة وش طلع يافلان

فقلت اللغز حله واضحٍ لانظار الاعياني

لو الدكتور ابن رامي مصعب حل لغزه بان

ترى حله «قلم» معروف له بين العرب شاني

هلا يامرحبا في صفحة تستاهل التيجان

علشان التميز دوم فيها اشكال والواني

بعد هذا قرينا اللغز واللي كاتبه فنان

واظن ان «القلم» قصده ولاله مقصد ثاني

نحل اللغز بالأقلام والأوراق والقيفان

على شان القلم فوق الورق بالحبر ملياني

وابا كتب بالقلم واقول يادكتورنا الفهمان

تعيش لدولتك ولمهنتك في كل ميداني

سلام الله عليكم ياسعد من خاطر ولهان

عسى ربي يوفق من يشارك ضمن الاخواني

لقيت الحل والمعنى صحيح وافي الاوزان

قلم حبرِ يزيْن الخط لاجا بِيْدِ فناني

ضميري هاض واللي هيض بصدري من القيفان

اجابة لغز للدكتور قيفانه على آني

ترى حله يا ابن رامي «قلم» بين العرب له شان

بعثته لك عبر فكس الجزيرة حل وكداني

كتبنا بالقلم حلٍ صحيح وكامل الأوزان

نبي نرسل حروفه يوم حل اللغز لي باني

أنا قلت القلم حله ولاغيره بفكري بان

ولو ما كان هو حله ترى ماني بزعلاني

على رغبة رجال الطيب وأهل العرف والتثمان

عزمنا نوفي المعنى.. ونسرج عذب الألحاني

مادام إن العطا لاهل الثنا موقف.. وقول لسان

ورا راس «القلم» مايكتب الإبداع من ثاني

سعد محمد الرامي قطف من دوحة البستان

بعد عسر الجهود اللي توالت طول الأزماني

واخذ حرفٍ من حروف الهجاء يصعب على الكسلان

على بيض الورق خط القلم شفته بالأعياني

الا يامرحبا بك عد ماهل المطر هتان

على دار ثمرها من عزيز الوبل رياني

عرفنا ان القلم ينطق ولاله بالوجود لسان

ولكنه يسجل بالمعاجم كل برهاني

ألا يامرحبا بك ياسعد واعداد نجم بان

وابهدي لك سلام خالطه ورد وريحاني

ترى حل اللغز واضح وانا له عارف وفهمان

كتبت الحل انا لك (بالقلم) مانيب غلطاني

هلا باهل المعرفه والوفا والعلم والقرآن

هلا ماغرّد العصفور يرقص فوق الأغصاني

بعد ماجيت ياراعي القلم بوابة البستان

جماهير الجزيرة صفقت والكل فرحاني

عرفت اللغز يالدكتور ياللي تسجع الالحان

ومعناه القلم له ياطويل العمر برهاني

وكم واحد تعلم به حديث وماض الازمان

هذا حله هذا حله واقول لكل من جاني