الشعر قال اتْحبني قلت بالحيل
بالحيل احبك ياجميل الطروقي
عد النجوم وعد من طالع سهيل
وحبك مع الدم الحمر في عروقي
اهواك بالمعنى تجي وافي الكيل
وقلبي على معناك دايم شفوقي
اهواك موزون القوافي بلاميل
وشعرٍ بلياوزن لي مايروقي
وش ينْبَغى بالقهوه اللي بلاهيل
وللزاد دون الملح ماحْدٍ يذوقي
انت ابْعيوني ياشعر تشبه الخيل
والخيل من خيّاله اللي يسوقي
الشعر بحضوره تزين التعاليل
وتفرح كما تفرح ابشوف البروقي
ابصرت من قاله نحبه الياقيل
ماهو بصوت اللي شرى والسروقي
لازم نحفظ الشعر جيلٍ وراجيل
ولاصحابها لازم ترد الحقوقي
وشعر الحداثه لايهمك زبد سيل
شعر الغثاثه ينتهي مايعوقي
شمس الأصاله تشرق وتطرد الليل
وشتان بين غروبها والشروقي