سلام والعلم يم اللي يجيب العلوم

واثنى التحيه عليكم ثم اغني ابها

أقولها مسلمٍ لله اصلي واصوم

اضرب طريق الشريعة كان تدري بها

ذعذع عليك الشمالي عقب لفح السموم

اهلين يا شاعرٍ جابه وأنا اجيبها

يا صايم الدهر بانت عليك النجوم

افطر عسى نيتك ما يختلف غيبها

يالله.. يالله عسى حظ المعاني يقوم

يجيبها اللي درسها في تراتيبها

يا قلبي اللي من اللوعه غشته الهموم

والنفس تقبل هواجيسه وتقفي بها

ما طاب لك طاب لي والنفس مثلك تشوم

والطيبه طيبه روحي تهلي بها

لعل عينك سليمه ما تجيها الهزوم

لا تشتكي ساعةٍ طافت مشاريبها

كم ليلةٍ ما لقى الجلاب حيٍ يسوم

كلٍ ليا قال سمها قال مالي بها

اشكي عدم والعرب ما يعذرون معدوم

ادري بها وأنت يالعراف تدري بها

يا للي جلبت المثل غلطان ما له لزوم

من يجهل الطيبه كثر عذاريبها

هيا.. تكلم على ما طاب وأنت مخدوم

بين لنا هرجةٍ بالليل نسري بها

أنا احسبني محلي وأثره ديار قوم

كلٍ بغاها وأنا يا حمود ما صخي بها

ما ودي انه يضيع الحق عند القروم

يظهر على السالفة ناسٍ تهذري بها