احب الجنوب وظبيها الفاتن المغرور
احبه ولو ينسى ويخلف مواعيده
احبه ولو يقسى على حبنا ويجور
حبيبي وانا راضي عذابه وتنكيده
سنينٍ تمر وكل مالاح صبح بنور
يزيد الغلى في خافقي له وتأكيده
تعبت من معاناتي ولارحت للدكتور
كثر مايعاندني اشوف الدوا بيده
الا يانسيم الشوق لو قلتها معذور
شبابٍ مضى والوجه بانت تجاعيده
ترى الوقت يسرقنا وحنا بدون شعور
وانا اشوف غصن الحب تذبل عناقيده
متى تشرق البسمة على الخاطر المكسور
وطير السعد تكثر علينا تغاريده
احبك دخيل عيونك الناعسات الحور
وغيرك حشى مايسعد القلب ويفيده
دخيل الصور والطيب والخاتم المستور
اذا ماتريد الوصل مني فأنا اريده
