انشدك عن رجل سكن بين بنتين

وحده خذا منها.. ووحده عطاها

والعالم بفعل اسود الوجه راضين

ولو ما فعل هالفعل ما ادرك رضاها

هات القلم واكتب على السطر بيتين

يعجب بها القاري الى من قراها

وحطوا لي.. الكربون.. من بين ثنتين

الصفحة الاولى.. وصفحة وراها

سلام مني للرجال الفهيمين

واللي الى شاف الضريبة رماها

اللغز واضح ما يبي له عناوين

«كربون» بين الصفحتين ينباهي

سلام لك يا فهيد من خاطر زين

ياللي بيوتك عالي مستواها

لغزك هو «الكربون» ما هوب تخمين

حقيقة كل النواظر تراها

حنا على الجزله لك الله حريصين

والا الهزيلة ما نطارد وراها

لغزك هو الكربون ما هوب تخمين

يقوله اللي لابغاها لقاها

حيا الله اهل العرف والمنطق الزين

ما لاح برق المزنه وهل ماها

يا فهيد للكربون ذا الحين لونين

والا الجزيرة ما تغير غلاها

يا للي عسرت اللغز للغز قارين

نعرف حلوله لو عسرت معناها

كربون بين اوراق بيض مزايين

ياخذ من اللي فوق للي وراها

بين العدل والحق ترضى الموازين

وعلى المظامي هالسحايب تباها

يا فهيد لو الحق واضح للاثنين

صورة من الكربون كل قراها

يا فهيد حل اللغز من يوم الاثنين

انا كتبته للجزيرة وجاها

الرجل كربون سكن بين بنتين

بنت شرب منها وبنت سقاها

ياللي تنشّد دونك الحل هالحين

نعطيك حله قبل تكمل قراها

ترى الرجل كربون والناس دارين

واللي بغى صورة ركض واشتراها

يامرحبا بفهيد ستة ملايين

واهل الجزيرة دام ربي بقاها

اللغز حله يا ولد وسط بيتين

هذاك كربون الورق في ذراها

اللغز واضح ما يبي له عناوين

مثل القمر لا من تعلا سماها

هذا الكربون اما البنات الورقتين

الثانية من خط الأولى ملاها

يا مرحبا بك عد نبت البساتين

في صفحة يا فهيد يكبر غلالها

واللغز واضح ما يبي زود بيتين

«كربون» والحجة بحثنا خفاها

ياللي نشرت وصغت لغزك ببيتين

يا مرحبا من قاعها لا سماها

وحله هو الكربون من دون تخمين

ياخذ من الصفحة والأخرى ملاها

يا مرحبا يا راعي اللغز واهلين

اعداد ماهبت وذعذع هواها

والحل كربون الورق يا مضانين

بين الورق يطبع على اللي وراها

يا مرحبا ترحيبة بالعزيزين

واهل الوفاء والطيب منا رضاها

هذا هو الكربون من دون تخمين

يطبع على الاوراق ما به سواها

بين الرجا والياس مبطي وهالحين

تكبر بعيني شرهتي واعصاها

تكتب.. وأنا أكتب علمها بين قوسين

لو عقبي (الكربون) عكر صفاها