ماهوب أنا اللي ينلعب في شطرنج

ما أحدٍ يحدد مكاني بكيفه

جمالي ماهو مثل بنات الافرنج

يعرض لجذب أهل النفوس الضعيفة

مافي عروقي دم رومٍ ولا زنج

عروقي بدم العروبة نظيفة

أبوي ماهو خورشيد ولا تشنج

سعود أبوي اللي يمينه عفيفه

لي كلمةٍ تأثيرها أقوى من البنج

وأحدّ من ضربة شجاعٍ بسيفه

عمر التمر ما عنه يعوض ترنج

وما أظن بعدي لي بيطلع خليفة

والشعر بحر ضم مرجان واسفنج

والموج يلفظ بس الأشياء الخفيفة

ماجت نجوميتي بإغراء أو غنج

ولا بتلميع المحرر لضيفه

نجمة بفكري.. وان غدا الشعر شطرنج

لي اسم يكرم عن خداعه وزيفه