روحي وقلبي وعيني للنظر تشتاق

كل الجوارح تحبك يا نظر عيني

أنا أشهد أنك خذيت القلب يا براق

وغبت عني وطيفك لي يباريني

طال انتظاري وأشوف الصبر ما ينطاق

أحرقت قلبي وشوقي لك بيكويني

من كثر شوقي أنا لو أنثر الأشواق

أهل المحبة بيكفيهم ويكفيني

يا بسمة العمر أنا لولاك ما أشتاق

لولاك منهو بيشفي القلب ويشفيني

حبك ملكني من راسي ألين الساق

يا بخت قلبٍ ملكته يانظر عيني

حبك وحبي أبد ما يفهمه العشاق

انتي وبس اللي فهم هالحب ويفهمني

يالله تعالي وردي فرحة المشتاق

محتاج قربك أمانة لا تخليني