يا عماد «بابا» جاء يا عماد لا ماراح
وش لون كيف يروح ما دام باقي عماد
يا عماد يكفي عاد يا عماد يكفي صياح
يا عماد عطني حل .. وينه ثمود وعاد؟
يا عماد يكفي جرح.. ما تزيد جرحي جراح
أرجوك زود الصبر.. دنياك هذي جهاد
والموت هذا حق.. مسراح أومرواح
لازم يجينا ضيف نبقا على استعداد
والموت ما به فرق ومنهو ولد فلاح
مثله مثل حاكم حكمه يعم بلاد
ويا عماد لا نوصيك أصبح كما المصباح
بايدين من هي لأجل عينك ما جاه رقاد
ويا عماد «سالم» لك مخلص بعد منصاح
ويا عماد مني دين.. أبقى ليدك إسناد
ويا عماد «بابا» جاء يا عماد لا ماراح
وش لون كيف يروح ما دام باقي عماد
