البارحة قضيت ليلي هواجيس
والله ماذقت الكرى يابو راكان
سهرت لين الصبح جعله غطاليس
ليا ذكر مافاتلي قمت عمسان
على عشيرٍ حال دونه لواليس
عندي قريب وكنها حول عمان
ابو عيون ساحراتٍ نواعيس
هافي حشا مادوجت بين جيران
ولاطاوعت بالود خطوا الهلابيس
ولا باعت الشيمة على فلان وفلان
ولاهي من اللي بينت للعواسيس
اللي مودتها على غير برهان
اسس عهود الود وجهد بلاقيس
حتى ملكني بالغلا خدر الاعيان
والله ما ذكر حس قلبي حواسيس
الايواصلني على كل الاحيان
ياما على شانه قطعت المراميس
من الحفر دونه مهالك وديان
قدام لاتبدا علينا الجواسيس
الله لايحسن عليهم بالاحسان
ضعوف النفوس اللي تسمى دنافيس
اللي بهم من سيرة ابليس طغيان
