دقوا القرعة وقلنا انظلم
قرعة قد شابها بعض الغيوم
وكرروها يوم يظلمنا الحكم
ضربةٍ ما تحتسب لو فالحلوم
قالها سلطان وقلنا له نعم
بنتأهل رغم تهديد الخصوم
وجيت أعبر عن شعوري بالقلم
بالتأهل يا عسى الفرحة تدوم
خطط الجوهر باخلاص ورسم
والجهاز اللي وضع كل العلوم
الصقور الخضر في وقت الحسم
يرفعون الراس شجعان وقروم
قادهم سامي إلى أعلى القمم
وانتصرنا يوم شدينا العزوم
ما تفرّق بينهم نجم ونجم
في سما نجد اصبحوا مثل النجوم
وياهل البحرين والله والنعم
نلتوا التقدير حاكم وامْحكوم
ما أبد ننسى لكم رفع العلم
اخضر واحمر عسى الافراح دوم
منتخب إيران منكم أنهزم
وطاح ياليته بعدها مايلوم
واحدن بالراس واثنين بقدم
صابت المغرور فيهم بالوجوم
مالهم غير الحسايف والندم
وجروا أذيال الخسارة والهموم
