لجا خلف جوفي يا محمد غلاه ولاج

قوانين قلبي بالغلا حطته لاجي

تمكن ورى حدب المحاني بلا مخراج

سكن كل عرق وسط قلبي وبه داجي

ملكني بحبه بالغلا صرت له منعاج

عرج بي وانا يصعب على الغير معراجي

عسف خافقي وانساق له ما عليه احراج

وتغيرت عن ما كنت قبله بمنهاجي

فريد الوصايف ما بعد شفت مثله داج

ولا لاق لي قبله ولو صار منعاجي

ملك زين ما يوصف بغيره زهاه التاج

تربع بعرشه خبروا فاقد التاجي

انا لي شرف حبه ولو صار بي وهاج

قوانين قلبي بالغلا حطته لاجي