نورشمسك ياالمدينة ضيع أحلام الغريب
في بلاد الحب يمشي والمدى كله سراب
لاصديق ولارفيق ولاقريب ولاحبيب
ضايع بين الشوارع مامعي حتى زهاب
ألمس جروحي وأقول اليوم باذن الله تطيب
والسؤال اللي سألته مات قدام الجواب
هو طريق الحب لاودى بعد مدة يجيب
اوانا حجزي ذهاب ولاقدرت أحجز اياب
ياسنيني علميني قبل هالمفرق يشيب
طمنيني قولي إني توي بعمر الشباب
لو ظلام الليل داكن والفجر لونه كئيب
لو زهور الأمس ذبلت وأنتهت حزن وعذاب
باقي خلي قبالي عن عيوني ما يغيب
ألمحه في كل شارع وألمحه في كل باب
كانت الفرقا نهاية وأسمها الواضح نصيب
افترقنا واحترقنا واحتضرنا فالغياب
الوعد باكر وباكر يا بعد عمري قريب
التقي بك وأهتنيبك وازرعك وسط السحاب
غيمة وابل مطرها يجمع أحلام الغريب
في كتاب الحب نصبح أول فصول الكتاب
