السالفة يا تنفعك يا تضرك

أنا اختصرها وانت راعي طويله

كثر الكلام وقلته لا يغرك

مالك وراء كثر الكلام وقليله

سوالفٍ منها المشاعر تحرك

لا تستفزك خل نفسك ثقيله

بعض من التفكير يمكن يغرك

يحط حملك واحد ما يشيله

خلك من اللي تحسب انه يبرك

انت اقتنع بالرأي والله وكيله

قدام يومٍ يحزنك ما يسرك

ابعد عنه واهجر طريقٍ يحيله

اسمع كلامي دون خيرك وشرك

أنا غني ل صار ما فيك حيله

والا طريقٍ مرّ غيرك يمرك

ما ظن بعده رجعتك مستحيله

حاسب ضميرك لا تمادى يحيرك

في يد عدوك بين يومٍ وليله