انقضت عشرين عام من السنين
والفهد قايد تزايد في عطاه
كل حرٍ لا طلع طلعه يبين
والفهد بين وبين ما بغاه
خادم البيتين حماي العرين
المليك اللي علا في مستواه
المليك اللي على طول السنين
كل همه نصرة الدين وحماه
يا وطنا لك شرف بالمسجدين
مكة وطيبة وغيرك ما لقاه
والشرف مبطي بسيد المرسلين
الرسول بدين ربي بك بداه
الشرف بالدين دين المسلمين
دين رب الكون ما نرضى سواه
يا وطنا فهدنا درع حصين
يسقي الحراب كاسٍ ما هقاه
من تهقوا يا وطننا مستهين
يرتوي بالموت في داره وراه
من جهل بالمملكة يبطي حزين
بالجهل نجهل ونعطيله جزاه
من حربنا قد عرفنا صاملين
ما خضعنا غير لله في سماه
نحتمي بالدين ضد المعتدين
ولا يخيب المحتمي باللي دعاه
الفهد قايد وحنا طايعين
كل شعب المملكة يشكر وفاه
عاش شعب المملكة شعب أمين
بالأمان وأمن مسلم في رفاه
يا فهد جيناك والله مهنئين
بالوفا والطيب يا صّلك شذاه
طال عمرك بإذن رب العالمين
ويحفظك رب الخلايق في حماه
