يا وليف القلب قلبي في خطر

وش حياتي دون شوفك يا الحبيب

أسهر الليل الطويل من القهر

ما لقيت اللي بناديه ويجيب

لو يقولون البشر ليه السهر

قلت حبه والزمان وهالنصيب

حب خلّي بات في قلبٍ نثر

ذكريات كلها شمس ومغيب

يا حبيبي لك ترا فوق الشهر

ما نظرت لعين خالد من قريب

وما حكيت وقلت وش جاه النظر

ما يشوف اللي يحبه لو يغيب

لو تشوف الشوق يحكي للبشر

كل خافي لا تقول انك طبيب

ما يداويني ترا غيرك قمر

لكن آحزاني تقول انك غريب