خل الغرور اللي لبسته يهنيك

اصبر وتلقى من زمانك عجايب

خلك مع الاوهام بكره توريك

لاضاق دربك من كثير المصايب

حتى الذي اغراك تلقاه ناسيك

وتصبح وحيد وتبتليك النكايب

يوم به الاحزان تخلف مواريك

وكلٍ جفاك من الربع والحبايب

وتصفح الايام ويبين شاريك

ويبين من باعك ومن كان عايب

قطعت موصول الهوى في تغليك

اخلص وتجزاني بكثر السبايب

وحاولت اعدل ما انعوج من تخطيك

وما فاد بك شوري وكثر الطلايب