لي غبت عنك الكون يفقد له انسان

ولي غبت عني أفقد الكون كله

امسك على عنان الصبر قدر الامكان

وتفضحني أسراره بلحظة واذله

لك صورة فيها الغلا عزها بان

وقلبي عليها زود الطين بله

تصدق ان لك في البشر هيبة وشان

قدرك كبير وفي عيوني محله

ما أمل من شوفك على مر الأزمان

وغيرك الى شفته ثواني أمله

ترى المحبه مالها عندي أثمان

من صابت احساسي وهي مرتع له

يا فرحة في صدرها رمح الاحزان

الموت أرحم من حياة المذله