يا صغير ويش أسوّي كان سر وصار شايع

حبك اللي وسط صدري له سنين متّقي

كان سرٍ عايشٍ به طول وقتي والودايع

ما تودع كون من هو تضمن ان قلبه نقي

وما لقيت لا خفوقٍ صار يالمجمول ضايع

مايبا الا حبه اللي يدري ان نبضه شقي

والله أعلم كيف شاع السر وأصبح كل بايع

في الكلام يبيع جمله وصار ما كنت أهقي

لين جاك العلم ياللي في طبوعك من طبايع

عنز ريم ذب عرق ذايرٍ من بندقي

ثم غديت تلوف قلبٍ ما تروعه الروايع

وتغلا وأنت غالي وتسلاّ بزهقي

ثم توسدني همومي وتقصد بالوجايع

الله أكبر ياصغير يا مماتي وعزقي

مادريت اني من اللي ما تمسي الذيب جايع

لابة من سلمها اللي يطرد المقفي شقي

يا صغير ما تَنَكْر كون جحّاد الصنايع

فقم تغانم ما بقالك والله أعلن ويش بقي